Euskararen aldeko flashmob-a prestatzen hasteko deia

Ekainaren 14ean Udalerri Euskaldunen Eguna ospatuko da Tolosan. Festak eta euskararen aldeko aldarrikapenak bat egingo dute. Ekimen ugari izango dira ondoko asteetan nahiz egunean bertan. Egunean bertan, esaterako, kalejira, kantua, bazkaria, ane eta piratak,... izango dira. Halaber, euskararen aldeko flashmob-a dantzatu asmo ere bada. Datorren ostiralean, hilak 23, 20:15ean, Tolosako kultur etxeko Topagunea aretoan (lehen solairuan) dantza ikasteko entsegua egingo da. Amaia Pagola eta Ainhoa Agirrezabala arduratu dira koreografia egiteaz eta ostiralean erakutsiko digute nola dantzatu. Gure nahia, zuetariko nork edo nork (animatzen zareten guztiok) dantza ikasi eta taldekideei erakustea da, ekainaren 14ean, eguerdian, denok elkarrekin dantzatzeko asmoz. Animatuko gara, ezta? AUPA!