Goi erdi aroa VIII. eta XIII. mendeen artean kokatzen dute. Aro horretako aztarnategirik baliotsuenetakoa, Gipuzkoan, Bidania-Goiatzen dago, San Pedroburun; «oinarrizkoa bilakatu daiteke». Bertan, XIX. mendera bitarte ermita bat egon zen. Egun, muino bat besterik ez da, abereen eremua. Indusketek, ordea, harritzeko moduko aztarnak agerian utzi dituzte. Bederatzigarren mende hasieran hil zen haurtxo baten hezurrak, adibidez. Baina bertan lanean ari diren arkeologoak, garai horren aurreko zerbait aurkitu ote duten galdezka dabiltza, horrela balitz, ezusteko handia litzateke: «mundu ezezagun bat».