Gaztelun Arkeolan Fundazioko kideak ari dira lanean. Erromatarren ondorengo 'aro iluna' argitu nahi dute. Izan ere, Castellaren hipotesiak dio jendea gaztelutan bildu zela erromatarren inperioa desagartu ondoren, eta lehenengo auzoak sortu baino lehen. Gaztelun zegoen gaztelua ere hor kokatzen dute.
Anoetan, Basagainen, indusketak egiten jarraitzeko diru laguntza ere onartu dute. Lan asko eta gero harresiaren inguruko egitura urbanoa ari da agertzen, eta badirudi agian topografiak berezi dezakeela herriaren bi auzo edo zonalde ezberdinak zein diren, agian funtzio ezberdinekin. Bestalde, orain bi urte aurkitutako Baskunesen txanponak bidea irekitzen du aurkikuntza garrantzitsu gehiago egiteko.