Anton Pla da Zabalaren nobelan agertzen den protagonista; berrogeitaka urteko gizon hondarribiar arrunta da eta atzeraka ibiltzen hasiko da goiz batean. Liburuaren sorkuntza prozesuari buruz hitz egin digu idazle irundarrak.
Horrekin batera, Xibarit argitaletxeak kaleratu duen Hugo eta harri esferikoa liburuaz aritu gara. Karlos Linazasorok ondu du ipuina eta Elena Arresek egin ditu ilustrazioak. Iruran kokatutako kontakizuna da eta bertako udaletxean egindako aurkezpen ekitaldian jasotakoak bildu ditugu.
Horrekin batera, Nabarralde fundazioko zuzendari den Angel Rekalde tolosarrak Foixeko Katalina liburu ilustratuaz hitz egin digu. Berak osatu du gidoia eta Ainara Azpiazu Axpi-k egin ditu ilustrazioak. Nafarroako erreginaren bizitzako pasarte batean oinarrituta atera dute liburu grafikoa Nabarralden.
Gaur Ene baitan bizi da liburua gomendatu digu Edurne Ayuso Alkizako liburuzainak.