Tolosako, Lizartza eta Ibarrako udaletako ordezkari nahiz langileek elkarretaratzea egin dute euskal gehiengo sindikalak deituta, Herrira erakundearen aurkako sarekada salatzeko, eta euskal presoei elkartasuna azaltzeko.
Tolosan, 12:00etan elkartu dira Plaza Zaharrean, eta Euskal presoen eskubideen eta konponbidearen alde!! leloa zuen pankartarekin, eta Herrira aurrera zioten eskuorriekin plazaratu dute beren aldarria. Ibarran, aldiz, herriko plazan egin dute agerraldia, Lizartzan bezala.
Tolosan mobilizazioak aurrera jarraitzen du, eta bihar 12:00ak bitarte, Trianguloa plazan hainbat ekimen egingo dira.
