Ogi Berri Migel Soroa Txapelketa

Elordi, Imaz eta Elezkanoren diztira, Migel Soroan

Tolosako Beotibarrek beste behin ere itxura polita erakutsi du, etorkizuneko pilotarien lehian

Ogi Berri Migel Soroa Pilota Txapelketaren jardunaldi berria jokatu zen asteburuan. Kasu honetan, partidak igandean jokatu ziren, eta Beotibarrek itxura polita erakutsi zuen. Kantxan pilotariek ez zuten hutsik egin, eta hiru izen nabarmendu ziren: Aitor Elordi, Ander Imaz eta Ander Elezkano.

Jubenilak izan ziren irteten lehenak, eta aurrelarien arteko lehia ederra erakutsi zuten. Zubiria eta Elordi nor baino nor ibili ziren. Irabazleak markagailua irauli beharrean aurkitu ziren, 11-15 atzetik joan baitziren.

21 urte azpikoen mailan Ander Imazek berriro ere ikuskizuna eskaini zuen. Oiartzuarra sasoian dagoenean, pilota txisparekin ateratzen zaio eskutik, modu ikusgarrian. Markagailuak 22-7 erakutsi arren amaieran, partida gogorra izan zen.

Azken partidan, nagusien mailakoan, Elezkanok gogotik egin behar izan zuen lan. 0-7 hasi ziren galtzen, eta maldan gora zirudien lehiari itzulia ematea lortu zuten Elezkanok eta Uzkudunek. Atzelariak lan serioa egin zuen, hasieran Telletxearen golpeei eutsiz, eta ondoren pilota guztiak erantzunaz, aurkariaren hutsak probestuz.

EMAITZAK

JUBENILAK

Zubiria-Urizar 17

Elordi-Medina 22

21 URTE AZPIKOAK

Labaka-Imaz 22

Ugalde-Lasa 7

NAGUSIAK

Elezkano-Uzkudun 22

Yoldi-Telletxea 17

Erlazionatuak

Labakak eta Imazek ezustekoa eman dute

Alegia Tolosa

Iñaki Artolak eta Gorritik finalerako txartela lortu dute Ogi Berri Migel Soroa txapelketan.
Jokin Altuna amezketarra bikain, Migel Soroa Txapelketan

Amezketa Tolosa

Azken txanpan dabiltza Ogi Berri Migel Soroa Pilota Txapelketan, igandean finalaurrekoen txanda izango baita. Bien bitartean, pilotazaleek partida ...
Artolak eta Urbietak joko maila igo dute Soroan

Alegia

Bi aurrelariek partida izugarria jokatu dute Tolosako Beotibar pilotalekuan; alegiarra nagusitu da amaieran
Arrieta-Arratibel eta Artola-Gorriti garaile Ogi Berri Migel Soroa Txapelketan, atzo

Tolosa

Ogi Berri Migel Soroa Pilota Txapelketako partida biziak ikusi ahal izan ziren atzo, Tolosako Beotibar pilotalekuan. Jubeniletan Peña-Martijak 22-1...
Larunbatetik igandera pasa da Ogi Berri Migel Soroa Txapelketa

Tolosa

Ogi Berri Migel Soroa Pilota Txapelketako partidak igandean jokatuko dira asteburu honetan. Larunbatean kaldereroak ospatuko dituzte Tolosan, eta h...
Mendinueta-Gorrotxategi garaile, Ogi Berri Migel Soroa txapelketako laugarren jardunaldian

Tolosa

Ogi Berri Migel Soroa Txapelketako laugarren jardunaldia jokatu zuten asteburuan Tolosako Beotibarren, eta elite mailan Mendidueta-Gorrotxategik 22...
200 ikusle eta pilota partida bikainak, Ogi Berri Migel Soroa txapelketaren bigarren jardunaldian

Tolosa

Ikuskizun ederra eskaini zuten atzo arratsaldean Ogi Berri Migel Soroa txapelketako pilotariek. Tolosako Beotibarrek itxura ederra hartu zuen, 200 ...

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!