Ogi Berri Migel Soroa Txapelketa

Artolak eta Urbietak joko maila igo dute Soroan

Bi aurrelariek partida izugarria jokatu dute Tolosako Beotibar pilotalekuan; alegiarra nagusitu da amaieran

Ogi Berri Migel Soroa Pilota Txapelketa finalerdietara iristen ari da, eta herenegun, ligaxkako azken partidetak jokatu ziren Tolosako Beotibar pilotalekuan. Jaialdiko hirugarrena, Urbieta-Galarza eta Artola-Gorritiren artekoa, ikusgarria izan zen; bai markagailuan eta baita jokoan ere.

Atzelariek euren lana bikain burutu zuten. Tantoari eutsiz eta huts gutxi eginaz. Jokoa aurrean egon zen, eta bi izen handiren arteko lehian, Iñaki Artola nagusitu zen. Alegiarrak partida amaieran erakustaldia eskaini zuen, airez tantoa bikain amaituz. Urbietak partida guztian zehar hortzak erakutsi zizkion Artolari, baina 22-21 amore eman behar izan zuten urdinek. Garaipen honekin, Artola-Gorritik finalerdietarako txartela lortu dute.

Jaialdiko partida nagusiaren aurretik, Yoldi-Linzoainek eta Arrieta-Arratibelek jokatu zuten. 22-19 irabazi zuten lehenek, eta lauretan onena, Eneko Yoldi aurrelaria izan zen. Zalantzak agerian utziz irten zen kantxara Yoldi, baina buelta eman eta tanto ederrak lortu zituen errematearekin. Galtzaileen artean Arratibel ataundarra azpimarratu behar da, golpe ederreko pilotaria dela erakutsi baitzuen Beotibarren. Jubenilen partidan, Espinal-Otaduyk 11-22 galdu zuten Laso-Martinezen aurka. Lau pilotarietan ikusgarriena Laso izan zen, etorkizun handiko gaztea dela erakutsiz.

Ogi Berri Migel Soroa pilota txapelketaren ligaxkako azken partidak hurrengo igandean jokatuko dira. Ondoren, lehia finalerdietan sartuko da. Martxoaren 30ean eta apirilaren 6an jokatuko dira lehia erabakigarri hauek. Azkenik, finala apirilaren 12rako aurreikusita dute txapelketaren antolatzaileek.


Erlazionatuak

Labakak eta Imazek ezustekoa eman dute

Alegia Tolosa

Iñaki Artolak eta Gorritik finalerako txartela lortu dute Ogi Berri Migel Soroa txapelketan.
Jokin Altuna amezketarra bikain, Migel Soroa Txapelketan

Amezketa Tolosa

Azken txanpan dabiltza Ogi Berri Migel Soroa Pilota Txapelketan, igandean finalaurrekoen txanda izango baita. Bien bitartean, pilotazaleek partida ...
Elordi, Imaz eta Elezkanoren diztira, Migel Soroan

Tolosa

Tolosako Beotibarrek beste behin ere itxura polita erakutsi du, etorkizuneko pilotarien lehian
Arrieta-Arratibel eta Artola-Gorriti garaile Ogi Berri Migel Soroa Txapelketan, atzo

Tolosa

Ogi Berri Migel Soroa Pilota Txapelketako partida biziak ikusi ahal izan ziren atzo, Tolosako Beotibar pilotalekuan. Jubeniletan Peña-Martijak 22-1...
Larunbatetik igandera pasa da Ogi Berri Migel Soroa Txapelketa

Tolosa

Ogi Berri Migel Soroa Pilota Txapelketako partidak igandean jokatuko dira asteburu honetan. Larunbatean kaldereroak ospatuko dituzte Tolosan, eta h...
Mendinueta-Gorrotxategi garaile, Ogi Berri Migel Soroa txapelketako laugarren jardunaldian

Tolosa

Ogi Berri Migel Soroa Txapelketako laugarren jardunaldia jokatu zuten asteburuan Tolosako Beotibarren, eta elite mailan Mendidueta-Gorrotxategik 22...
200 ikusle eta pilota partida bikainak, Ogi Berri Migel Soroa txapelketaren bigarren jardunaldian

Tolosa

Ikuskizun ederra eskaini zuten atzo arratsaldean Ogi Berri Migel Soroa txapelketako pilotariek. Tolosako Beotibarrek itxura ederra hartu zuen, 200 ...

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!