Eutsi Goiari!

Gaurkoan atletismoa izango dugu hizpide. Tolosa CFko atletak dira Idoia Arrospide leaburuarra eta Ekhi Civico tolosarra, eta Euskadiko Kros Txapelketan emaitza onak lortu ondoren, asteburuan Espainiako Kros Txapelketan parte hartuko dute.

Anoeta Sutan jaialdia antolatu dute Anoetan biharko. Besteak beste, patinete eta piper pikanteak jateko txapelketak egingo dira. Gorka Lasa da antolatzaileetako bat eta berarekin hitz egiteko aukera izan dugu.

Gaurkoan saskibaloia izan dugu hizpide. TAKE klubeko gizonezkoen lehen taldearen, Iruki TAKEren, entrenatzailea da Goar Artetxe, eta berarekin aritu gara solasean taldearen denboraldiari buruz.

Imanol Rojo iraupen eskiatzaile tolosarrak denboraldi berezia du, otsailean Olinpiar Jokoak izango direlako. Denboraldia nola hasi duen eta Olinpiar Jokoetara joateko aukerei buruz hitz egin du.

Irristaka taldeak X. Irristaka Indoor Saria antolatu du iganderako. Taldeko Aitor Vacas patinatzaileak eman du probaren berri.

Udane Mujika eskalatzaile elduaindarrak Espainiako Kopa irabazi du soka eta bloke modalitatean. Berarekin aritu gara hitz egiten lorpen horiei buruz.

Munduko Frontball Txapelketa jokatzera joango dira Miren Larrarte bidaniarra, eta Itxaso Erasun eta Julen Alberdi zizurkildarrak. Euskal selekzioarekin ariko dira lehiatzen, Mexikon. Bertara joan aurretik, Larrarterekin eta Alberdirekin aritu gara solasean.

Gaurkoan areto futbola izango dugu hizpide. Tolosala Garaje Tolosa taldearen inguruan hitz egin dugu Javi Mujika entrenatzailearekin.

Bihar, larunbata, Garaje Tolosa Saria IV. Pablo Arsuaga Oroimenezkoa ziklo-kros proba izango da Tolosan, eta Oriako Txirrindulari eskolako Aitor Aiertza lehendakariak eman digu probaren berri. Lau jardunaldi jokatu ditu Tolosa Eskubaloiko emakumezkoen lehen taldeak, eta Leire Estanga jokalariarekin hitz egin dugu denboraldiaren hasieraz. Lehenengo aldiz egingo dute, bihar, larunbata, Amezketako Goitibehera Sari Nagusia, eta Karlos Xabier Sotil antolatzaile eta parte hartzailearekin hitz egin dugu proba berezi horretaz.

Protagonista ugari izan ditugu gaurko saioan.

Igandean egingo da Tolosako XXXVII. Herri Krosa, eta horren berri izateko Iñaki Sanchez eta Pello Gorostegi antolakuntzako kideekin hitz egin dugu. Hiru jardunaldi jokatu ditu dagoeneko Tolosa CFko futboleko emakumezkoen lehen taldeak. Aritz Elorza entrenatzailearen aritu gara solasean denboraldiaren inguruan.

Argentinan 23 urtez azpiko Trinketeko Munduko Txapelketa izan berri da jokoan, eta xare modalitatean bost irurarrek parte hartu dute. Haietatik laurekin egon ginen aste honetan. Tolosa CF-ko futboleko gizonezkoen lehen taldeak hasi du denboraldia. Josu Ibarbia entrenatzailearekin aritu gara solasean denboraldi hasierari buruz. Eta Soronea-Ammma mendi lasterketa taldeak Espainiako Txapelketa irabazi berri du emakumezkoetan eta gizonezkoetan. Alex Jimenez taldeko arduradunak eman digu lorpenaren berri.

Ibarrako Bidetxur Mendi Taldeak III. Mendi Bizikleta Eguna antolatu du biharko, eta, besteak beste, II. Enduro Jaitsiera egingo dute. Iban Amondarain antolakuntzako kidearekin hitz egin dugu gaiari buruz. CMO Valves Lauburu Ibarra areto futboleko taldeak hasi du denboraldia, eta Ibai Valverde bigarren entrenatzailearekin aritu gara solasean horren inguruan. VIII. San Migel Xare Irekia abian jarriko da gaur Iruran. Mikel Uzkudun Ametsa Pilota Elkarteko kidearekin hitz egin dugu txapelketari buruz.

Eñaut Urkaregi txirrindulari larrauldarrari egindako elkarrizketarekin ekin diogu saioari. Junior mailako pistako Munduko Txapelketan bi domina lortu zituen, urrezkoa bata eta zilarrezkoa bestea, eta herrian omenaldia egin zioten. Ondoren, XXII. Berrobira Krosari buruz aritu gara; bihar, larunbata, egingo dute Berrobin.