Abokatuen aurkako operazioa

Jon Mintegiaga espetxeratu dute

Argazkia: @shul_evolution

Eloy Velasco epaileak espetxera bidali ditu Jon Mintegiaga, Fran Balda eta Javier Carballido. 2013an Velascok berak ezarritako baldintzak ez betetzea egozten die. Soto del Real espetxera eramango dituzte.

Abokatuek senideei jakinarazi dietenez, Eloy Velasco epaileak ez dio kargu berririk leporatu Mintegiagari, hau da, ez du lotu egun hauetan aipatu diren delitu fiskalekin.

Hain zuzen, 2013an epailearen aurrean deklaratu ostean ezarri zizkioten baldintzak ez betetzea leporatu diote. Velascoren esanetan, "presoen aldeko mugimenduan parte hartzen jarraitu" du eta hori debekatua zuten ordutik. (2013ko epaiketaren aurretik Mindegiagari egindako elkarrizketa)

Deklarazioa amaitu ondoren, senideei bost minutuz kalabozoan sartzen utzi diete espetxeratuak izan aurretik azken agurra emateko.

Eskualde mailako manifestazioa
"Aski da, konponbide garaia da" lelopean 250 lagun inguru bildu dira Ibarran, eta espetxeratzearen albistea agerraldia hastera zihoala zabaldu da. "Atxilotuak askatu", "Minde herria zurekin" edo "Euskal presoak etxera" bezalako oihuekin erantzun diote berriari.

Bihar, prentsa agerraldia
Larunbaterako Donostian hainbat eragile sozial, politiko eta sindikalek deitu duten manifestaziorako deia egiteko prentsa agerraldi jendetsua izango da Ibarrako udaletxeko pleno aretoan, 18:00etan.

Astelehenean atxilotu zuten Mintegiaga beste 15 lagunekin batera. Irudian Mintegiaga bere etxean erregistroa egin ondoren atera zuteneko unea:

Erlazionatuak

Elkartasun gehiago atzo atxilotutako 16 lagunentzat

Ibarra Tolosa

Gaur iluntzean eskualdeko hainbat herritan atxilotuei elkartasuna adierazteko elkarretaratzeak egin dituzte Sortuk deituta; gainera, Ibarrako Udala...
Dozenaka lagunek gaitzetsi dituzte atxiloketak Ibarran

Ibarra

Ibarrako plazan jende ugari bildu da, "Minde ta bestek Askatu, Konponbide garaia da" lelopean, goizean zehar Guardia Zibilak burutu dituen 16 perts...
Guardia Zibilak Jon Mintegiaga atxilotu du

Ibarra

Abokatuen aurkako operazioa egin du Guardia Zibilak gaur goizaldean eta Jon Mintegiaga 'Minde' ibartarra ere atxilotu dute. 20:30ak aldera etxera...

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!