Adrian Perez Bafi musikariak Etxeko lanak bere diskoa aurkeztuko du. Rock akustiko eta melodikoak uztartzen ditu hitz landu eta sakonekin, folk eta soul ukitu nabariekin. Bakarkako proiektua izan arren, oraingo honetan Pelax musikariaren laguntza izango du.
Antton Valverde. Euskal Herriko erreferenteetako bat da. Urte luzez olerki eta bertso zahar asko musikatu ditu Valverdek, batik bat, pianoarekin lagunduta. Adarra Saria ere jaso zuen iaz, bere ibilbidearen aitortza gisa. Besteak beste, herri-kantak eta bertso zaharrak berreskuratzeko eta euskal poeta klasikoen eta emakumezko egileen obrak zabaltzeko egindako lana aitortu zion epaimahaiak. Boskote formatuko kontzertua eskainiko du Valverdek Tolosan.
Ruben Caceres argazkilariaren Euskal Herriko hegaztien argazki erakusketa.
Carmen Mateo Orusen akuarelak eta Silvia Mateo Orusen olerkiak.