Hauexek dira aste honetan landu ditugun osagaiak Letren Errepublikan:
- Aiztondoko Plazida Otaño liburutegian 6. urteurrena ospatu zuten apirilean. Horrekin batera, motxila ibiltaria ekimenaren barruan erakusketa zabaldu dute eta material birziklatuarekin egindako jolasak ere jarri dituzte umeentzako aukeran. Irene Urruzola liburuzainak eman dizkigu azalpenak.
- Basamortuan izeneko ipuin ilustratua aurkeztuko dute maiatzaren 25ean Amasako Hika txakolindegian. Elena Arreserenak dira ilustrazioak eta Juan Kruz Igerabiderenak testuak. Adunako idazleak azaldu dizkigu ipuin honen ingurukoak.
- Alkizan bizi den Kepa Fernandez de Larrinoa antropologo eta Lera ikerketa taldeko buruak, egunotan aurkeztu duten liburuaren berri eman digu. Gladys del Estal militante ekologistaren memoria berreskuratu dute argitalpen honetan.