Plazida Otaño liburutegiak apirilaren 23an bete zituen sei urte. Horren harira, Sagra Jauregiberri herritarrak Plazida Otaño zena gogoan hartuz telazko liburua osatu du.
Bestalde, Itsasoko animaliak erakusketa zabalik dago liburutegiko erakusleihoan. Motxila ibiltaria ekimenaren barruan, haurrek itsasoko animaliak sortzeko zeregina izan dute, material birziklagarriak erabiliz. Ekaina hasiera arte izango da ikusgai erakusketa Plazida Otañon.
Birziklapenaren nazioarteko eguna eta jolasarena uztartuz, material birziklatuarekin egindako jolasak egin dituzte. Besteak beste, okaren jokoa egin dute Plazida Otañoren irudian oinarrituz, eta besteak beste, Maria Altunak osatutako marrazkiak erabiliz. Egunotan izango dira jolasak liburutegian.
Bestalde, Arroz Urez Mikel Antzaren liburua aztertuko dute euskarazko irakurketa klubean, maiatzaren 31ean. Oihana Iguaranek moderatuko du saioa eta egilea bertan egongo da.
