Aste honetan Letren Errepublikara gonbidatu ditugun lagunak:
- Kontalari2 taldeko Lurdes Gorostegik Osaba otso ipuina aurkeztu digu; Egokitzapen honek Italiako Frioleko ipuin tradizional batean du oinarria.
- Plazida Otañori buruz, Plazida, oihartzunaren plaza ipuin ilustratua aurkeztu dute Oihana Iguaranek eta Maria Altunak. Lan honen ingurukoak kontatu dituzte gurean.
- Alkizara dator Hitzak zaindari erakusketa. Euskal liburugintzako hainbat eragilek prestatu dute elkarrekin. Ana Urrestarazu Euskal Editoreen elkarteko idazkari teknikoak kontatu ditu erakusketa honen inguruak.
- Alberto Barandiaranek Gurea falangista zen liburua aurkeztu berri du. Kazetaritza kronika honetan Luis Fernandezen historiaren bila abiatu eta aitonarekin nola topo egiten duen kontatzen du idazle altsasuarrak. Gurera gonbidatu dugu lanaz hitz egitera.
- Gogoan dut aurkeztu du Tolosan Aritz Galarraga hondarribiarrak. IbonRg musikaria izan du alboan eta aurkezpenean entzundakoekin borobildu dugu aste honetakoa.