Tolosako kultur etxeko areto nagusian jendaurrean aurkeztu du Gogoan dut liburua Aritz Galarragak. Udaberrian kaleratu zuen liburua, "autobiografia" moduko oroitzapen bilduma bat da. "Ez da autobiografia konbentzional bat, hari kronologiko bati jarraitzen diona, saltoka eta oroitzapenez oroitzapen harilkatzen doan liburu bat baizik".
Oroitzapen bakoitza "gogoan dut" egitura anaforiko eta errepikakorrarekin abiatzen da eta horrela osatu du liburua Galarragak, "otoitz edo mantra baten modura". 1.500 oroitzapen inguru bildu ditu.
IbonRg-rekin batera egin du aurkezpena Galarragak. Liburuan agertzen diren erreferentzia musikal batzuen bertsioak egiten ditu musikariak aurkezpen saioan.