'Ttak' egiteko garaia iritsi zaio Zubimusu ikastolari

Zubimusu Ikastolak Gipuzkoako Ikastolei luzatu die 2021eko Kilometroak antolatzeko lekukoa. 

Kilometroak Astea egitarauaren baitan, lekukoaren emate ekitaldia ospatu dute gaur Zizurkilgo Joxe Arregi plazan, 11:00etan hasita. Herrigintza, kultura, hezkuntza, herritartasuna, transmisioa eta erresilientzia oinarri hartuta Kilometroak Astea izeneko egitaraua antolatu zuten, irailaren 28an hasita eta urriaren 4an bukatuz. Kilometroak jai handiaren ordezkoa izan den egitarau xumeagoari gaur eman diote amaiera.

Nekane Artola, Gipuzkoako Ikastolen lehendakariak esku artean eraman du Kilometroak jaien lekukoa: «Ezin izan dugu behar bezala garatu gure asmoa, baina garbi dugu Gipuzkoako Ikastolok egindako hausnarketatik ateratako ondorioak inoiz baino ageriago gelditu direla azken hilabeteotan».

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!