Aurten ezingo dute Kilometroak jairik egin, baina Zubimusu ikastolan lan eta lan ari dira hala ere, bestelako ekitaldi batzuk prestatzeko. Atzo Gipuzkoako Foru Aldundian egon ziren Markel Olano diputatu nagusiarekin biltzeko eta Kilometroak Asteari buruz eta urriaren 4ko ekitaldi instituzionalari buruz hitz egiteko. Bileran Gipuzkoako Ikastolen Elkarteko eta Zubimusu ikastolako ordezkariak izan ziren, Markel Olano diputatua eta baita Hizkuntza Berdintasuneko foru zuzendari Garbiñe Mendizabal ere.
COVID-19ak sortutako egoera "zail eta ez ohikoa" honetan euskararen aldeko "konpromiso eta jarrera aktiboari" eusteko eskatu dio gizarteari, foru aldundiak. "COVID-19ak eragindako krisialdiak gogorarazi digu zeinen garrantzitsua den komunitate gisa jokatzea aurrean ditugun desafio eta arazoen aurrean. Kilometroak egitasmoak, aurten amaierako jairik izango ez badu ere, balio horretan jartzen du azpimarra. Hizkuntza komunitate gisa ere oinarrizkoa da elkarlana, euskara biziberritzen segi nahi badugu".
"Egoera zail" honetan euskararen aldeko jarrera aktiboari eusteko eskatu du aldundiak
Kilometroetako arduradunak Gipuzkoako Foru Aldundian izan ziren atzo, besteak beste, urriaren 4an egingo duten ekitaldiaz hitz egiteko.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!