IBARRA
Igor Zapirainek hartu du aginte makila, orain arteko alkate Mikel Agirrezabalaren eskutik. 6 boto izan dira EH Bilduko hautagaiarentzat, 4, EAJko Itziar Jauregirentzat eta boto zuri bat egon da.
BERASTEGI
Amaia Azkuek (EH Bildu) jarraituko du alkate gisa Berastegiko Udalean. Beasti Bizi taldeak hiru zinegotzi izango ditu.
ELDUAIN
EH Bilduren hautagaitza izan zen udal hauteskundeetara aurkeztu zen bakarra. Bost kideek gaur hartu dute kargua.
BERROBI
PSE-EEko hautagaitza izan zen udal hauteskundeetan aurkeztu zen bakarra. Gaur, zerrenda horretako sei kidek hartu dute zinegotzi kargua. David De Miguel Les izendatu dute Berrobiko alkat
GAZTELU
EH Bildu bakarrik aurkeztu zen udal hauteskundeetara Gaztelun. Argazkian Edurne Gartzia aginte makilarekin.
LEABURU-TXARAMA
Joxe Ramon Eizagirre (EH Bildu) izango da aurrerantzean Leaburu-Txaramako alkate. Talde bereko Luisa Uzkudunek pasa dio lekukoa.
BELAUNTZA
Silvia Moneok segiko du Belauntzako alkatetzan datozen lau urteetan. Denok Bat zerrendak lortu zituen boto gehien maiatzaren 26ko udal hauteskundeetan.
LIZARTZA
Alkate berria dute Lizartzan: Iñaki Azpiroz. EH Bilduk aurkeztutako hautagaitzako buru izan zen eta talde horrek lortu ditu udaleko zazpi eserlekuak.
OREXA
Eneko Maiozek alkate kargua berritu du Orexan. 2023ra bitarteko udalbatzak kargua hartu du goizean.
Udalen osaketa gehiago: