2 ordu eta 11 minutu behar izan ditu Asier Alonsok, T2T lasterketako garaileak, ibilbidea osatzeko, Isamil Razga lasterketa luzeko lehen sailkatuak, berriz, 4 ordu eta 18 minutu. Emakumezkoetan, T2T lasterketako azkarrena izan den Laida Elizegik, 2 ordu eta 48 minutu markatzen zituela igaro du helmuga, eta Oihana Azkorbebeitiak, T3T lasterketako garaileak, aldiz, 5 ordu eta 17 minutuetan geratu du denbora Triangulo plazan.
Goar Lopetegi ibartarrak eman du ezustekoa, T3T lasterketan aurkariei aurre hartu eta hirugarren postuan sailkatuz. Behin helmuga igarota, korrikalari ugarik Gurutze Gorriko langileen laguntza behar izan dute, indarrez oso justu iritsi direlako. Garaileak, berriz, irrifartsu eta pozik gurutzatu dute arkua. Guztien artean, gauza bat ondorioztatu ahal izan dute: Horrelako lasterketa batean aritzeko, oso ondo prestatuta egon behar dela.
