Erroizpeko tontorrak zenbait ondorio ekarri dizkiete lasterkari askori, ez beroagatik soilik, izan ere, T3T lasterketako hirugarren posturako borrokan aldaketak ekarri ditu. Bertatik, Iban Agirrezabala igaro da hirugarren postuan, baina jaitsieran, kalanbreak tarteko, atzera egin du sailkapenean, eta Goar Lopetegi ibartarrak hartu dio aurre, gerora lortu duen hirugarren posturaino igarota.
T2T lasterketako korrikalariak, lasterketa luzekoak baino lehenago igo dira. Erroizpera joan baino lehen, antolatzaileek behin eta berriz gomendatu diete parte hartzaileei ura edateko, baina nekeak jota eta indar falta zela eta, korrikalari batzuek Erroizpen bertan eman dute amore.
