Irudietan Tolosako Samaniego ikastetxeko eta Laskorain ikastolako haurrak ikusi daitezke, eta baita Ibarrako Uzturpe ikastolakoak eta Albizturgo eskolakoak ere. Samaniego ikastetxean Haur Hezkuntzakoak txilabarekin joan dira, LHko lehen ziklokoak nahi duten eran joan dira mozorrotuta, bigarren ziklokoak txilabarekin eta hirugarren ziklokoko gehienak modan jarri diren buzoekin joan dira. Laskorainen ere haur guztiak mozorrotuta joan dira, azken asteetan egin dituzten mozorroekin, hain zuzen, eta dantza ere egin dute irakasle eta gurasoez inguratuta. Ibarran berriz, Dianaren parodia egin dute. Berrobiko eta Bidania-Goiazko eskolako haurrek ospatu dute inauterien etorrera.
Arratsaldean, berriz, Villabonako eskoletako haurren txanda izan da. Azken urteetan euria dela eta Olaederra kiroldegian egin izan dute jaialdia, baina aurten Errebote plazan egin dute.
Jarraian, berriz, Hirukide Ikastetxean egin zuten jaialdiaren eta Altzoko ikasleek egindako Mallorcarako bidaiaren antzezlanaren bideoak:
Kaixo. Barkatu, ez dakit zer gertatu den baina atzo hirukide ikastetxeak ere ospatu genuen ostegun gizena eta eskatu bezala bideo muntai bat bidali nizuen bideotxo eta argazkiekin. Arazoren bat egon al da?
Kaixo. Lehenik eta behin barkamena eskatu beharrean gaude. Despistea izan dugu, horrenbeste email, argazki eta bideoren artean zuena igo gabe geratu zen. Dena den, igo dugu dagoeneko. Mila esker abisua emateagatik eta bideoa bidaltzeagatik. ;)
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!