Euskal Herria plazan kokatuta daude txosnak, Astelehenita bitarte, karpa erraldoi batean. Txosna batzordea Otsabi, Ernai, Ikasle Abertzaleak, Jatorkin, Euskal herria Sozialista eta Tolosako Gazte Asanbladak osatu dute aurten. Talde bakoitzak bere aldarrikapena egingo du txosnagunean. Guztia auzolanean antolatu dute, eta hilabeteak daramatzate lanean guztia ondo atera dadin datozen egunetan.
Gaur eguerdian zagiardoa izan dute txosnetan, eta 19:00etan kontzertuei ekingo diote. Lehena La Jodedera taldea izango da, eta 22:30etik aurrera Ingo al deu? eta Little Martin taldeek joko dute.
Bihar, berriz, 22:30ean Ahuntzape, Xaiko eta Dj Arki izango dira bertan. Hala ere, aurrera begira Astelehenita bitarte festarik ez da faltako. Makina bat kontzertu eta txiste afaria ere izango baitituzte.
