Jai parekideagoen bila joateko bidea herritarrekin egin nahi du Tolosako Udalak

Tolosako Udalak jai parekideagoetara iritsi nahi du eta, horretarako, herritarrei ireki die beren iritzi eta hausnarketak plazaratzeko atea. Egitasmoko lehen bilera irekia egingo dute, gaur, 18:30ean, Abastos eraikinean.

Berdintasun eta Kultura sailen arabera, herrietako jaiak gizartearen isla dira eta, ondorioz, herrien erakusleiho ere bai.

Hori guztia parekidetasun irizpideekin ospatze aldera, ia abiarazi zuten proiektua, herritar-talde batekin. Besteak beste, jai parekideagoak antolatu eta ospatzeko irizpideak adostu zituzten.

Aurten, beraz, Tolosako elkarte, eragile, jai batzordeko kide eta, oro har, herritarrekin batera osatuko dute iaz abiarazitako bide hura, Gipuzkoako Foru Aldundiaren laguntzarekin.