Tolosako Udalak omenaldia egin dio ikurrinari, Espainiako bandera jartzeko behin betiko aginduaren harira. Ekitaldian bertsolari nahiz dantzariak ere izan dira, eta "herri honetan hainbeste lan egin duten" Beltza eta Maritxuri keinu egin nahi izan diote, ikurrina zortzi metrotara igotzeko ohorea haiei utziz.
Tolosako alkate Ibai Iriartek nortasuna izan du hizpide hitzaldia eta, nortasun horrekin lotuta, norberak bere ikurrak aukeratzeko askatasuna ere nabarmendu du. Bide horretan, "ikurrina sentitu eta ulertzeko hamaika modu" daudela dio: "Baina guzti-guztiek nortasuna partekatzen dute. Ikurrina guztiok elkartzen gaituen ikurra da, eta inork ez digu nortasuna lapurtuko.
"Lehenago edo beranduago" Espainiako bandera Tolosako udaletxetik kenduko duten eguna iritsiko dela aldarrikatu dute eta, jarraian, ikurrina igo dute Plaza Zaharrean jarritako zortzi metroko makilara. Udaberri dantza taldeko dantzariek agurra eginez omendu dute ikurra.
