Hamar ikasle inguru, Laskorain eta Hirukide eskolakoak, aritu dira murala osatzen. GKo Galeriako Gari Muruak azaldu duenez, BITs mapen bidez egin dute: "Irudia hartu dugu eta puntuen bidez osatu dugu. Gero aukera ematen du puntu horiek nahi adina handitzeko eta mural bat osatzeko". Bederatzi metro luze eta hiru metroko altura du gauzatutako irudiak. Muruak gaineratu duenez, "gazteek ikusi dute mural bat sortzeko beste aukerak daudela, margotzeaz gain, eta harrituta geratu dira BITs mapek zabaldu duten aukeraz".
Beldur Barik indarkeria sexistaren aurkako programa bat da. Lehiaketak, topaketak eta hezkuntza ekimenak bultzatzen ditu, gazteen jabekuntza prozesua indartzeko.
