Nazioarteko txotxongilo jaialdia 31. aldiz ospatuko dute, aurten, Tolosan, eta arratsaldean izango da inaugurazio ofiziala. Asteburuarekin bat eginez, ordea, haur, gaztetxo eta gurasoak sartu dira jada panpinen unibertsoan.
Izan ere, Zerkausian tailer berezia izan da gaur, azokarekin bat eginez: Tolomendirekin elkarlanean, Tolosako Ekinbide Etxeak Plazako produktuekin txotxongiloak eraiki saioa prestatu du, eta haur asko erakarri ditu postuak. Lurrak emandako produktuek, jateaz gain, istorioak sortu eta amets egiteko ere balio dutela ikasi dute, eta norberak eraikitako txotxongiloa etxera eraman dute haurrek.
Arratsaldean, bi saio izango dira Tolosan. Batetik, 18:00etan, La Canela talde argentinarrak emanaldia eskainiko du, Basilisa izenburupean, Topic-en. Bigarren saioa, berriz, leku berean izango da, 20:00etan; Classic ikusizuna eskainiko dute Titelles Verges kataluniarrek.
/cache/AURKEZTU_DUTE_31__TITIRIJA(1)_tokikom_735x413.jpg)