Maiatzaren 30ean, osteguna, 18:00etatik aurrera izango da pintxo tertulia ikastolako jangelan. Bilerak ordu eta erdiko iraupena izango duela aurreikusten da eta haurren zaintza zerbitzua egongo da.
Parte hartzea ezinbestekoa dela aipatu du Zubimusu ikastolak eta bertaratzea aurrez konfirmatzea eskatu dute, 943 69 23 21 telefonoan edo zubimusu@ikastola.eus helbidean.
Kilometroak jaiak etorkizun hurbilean garatu nahi duen izaera berria landuko dute pintxo tertuliaren bigarren edizioan. Garrantzia handiko hiru esparru landuko dira: ekonomia, partaidetza eta komunikazioa. Bestalde, gazteen artean ekintzailetasun aktiboa uztartzen saiatuko dira. Guztion proiektua izanik, guztion parte hartzea estimatuko luke ikastolak.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
