Gaur, asteartea, Agifes elkartearen eskutik, Palabras en las paredes del baño filma ikusteko aukera izango da Leidorren, doan. 18:30ean hasiko da. Ostiralean, berriz, 20:00etan hasita, Los dias ajenos de Bob Pop antzezlan-bakarrizketa izango da, eta ikuskizun honekin lotuta, HBO-k ekoiztutako Maricon Perdido telesaila ekarri dugu gogora. Azkenik, eta Afrikako Astearen barruan, maiatzaren 25ean, osteguna, Leidorren proiektatuko duten Mrs F filmaren inguruan hitz egin dugu. Azken saio hau 19:30ean izango da.
Datozen egunetan, gizarteko gai desberdinak jorratzen dituzten saioak izango dira Tolosako Leidor antzokian, eta horien inguruan aritu gara solasean gaurko saioan.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!