Udaberri Dantzari Taldea 1957an sortu zen Euskal Herriko herri-kultura eta tradizioaren zati bat kontserbatu eta ezagutzera emateko, batez ere dantza eta doinu herrikoien esparruan. Lan horren bidez, Tolosan garai hartan euskal kulturaren eremuan zegoen hutsunea bete nahi izan zuten. Gaur egun talde gaztea gara, eta lanean dihardugu, gure aurrekoek utzi zutenari eutsi eta belaunaldi berriak gure jardunean trebatzen.