2020ko Kilometroak-en leloa Korri, punpa, ttak da. Lelo hori bera eta horri lagunduz osatu duten logoa zabaltzeko asmotan, erronka onartzen dutenek bi aukera izango dituzte. Dauden tokian daudela Kilometroak-eko arropa edo osagarriak soinean dituztela argazkiak ateratzea; Korri, punpa, ttak esanez bideo bat grabatzea, pilota jaurtitzen ariko balira bezala.
Erronka onartu eta argazkiak zein bideoak egiten dituztenek sare sozialetan zabaldu behar dituzte, #KMKIbiltaria eta #KorriPunpaTtak traolak erabiliz eta @Kilometroak aipatuz. Nahi dutenez, komunikazioa@kilometroak.eus helbidera ere bidali ditzakete irudiak, eta Kilometroak-en arduradunek Kilometroak-en sare sozialetan zabalduko dituzte.
Hurrengo asteetan Pauxak bezala hegalak zabaltzeko deia egin dute Zubimusu ikastolatik: "Gauden tokian gaudela ere, jaurti dezagun pilota han eta hemen, batean eta bestean, Euskal Herrian zein munduko edozein txokotan".