Urteak daramatzate Aiztondoko Plazida Otaño liburutegian Motxila ibiltaria ekimenarekin. Azken lauhilekoan motxilak banatu dituzte erabiltzaile gaztetxoen artean eta misio bat jarri diete barruan. Argazkiak eskatu dituzte liburuak eta umeak protagonistatzat hartuz. «Irudimena erabiltzea eskatu dugu argazki bereziak izan daitezen», esan du Zabala liburuzainak.
18 argazki inguru jaso dituzte eta ikusgai izango dira liburutegiko erakusleihoan datorren ekainaren 29ra arte. Orain, uda partean, atseden hartuko du ekimenak eta irailean bueltatuko dira liburuzainak proposamen berriak egiteko.
