Euskaraldia azaroaren 20tik abenduaren 4ra egingo den ariketa soziala izango da. Parte hartu nahi duten herritarrek izena eman ondoren, Ahobizi eta Belarriprest txapak eramango dituzte paparrean bi aste horietan. Euskaraldiko txapak iritsi dira Zizurkilera, eta banaketa bi toki hauetan egingo da:
- Zizurkilgo udal bulegoetan, 08:00etatik 15:00etara bitartean.
- Plazida Otaño liburutegian, 16:00etatik 20:00etara bitartean
Oraindik izena eman ez dutenek, aukera dute horretarako http://izenematea.euskaraldia.eus atarian eta Zizurkilgo udal bulegoetan.