Zizurkilgo Udalak nabarmendu duenez, duela bi urte ere erakustaldi "bikaina" egin zuten Zizurkilgo saltoki eta ostalaritza establezimendu guztiek, eta aurtengo Euskaraldian ere ez dira atzean geratu.
Izena eman duten saltoki eta establezimendu guztiekin ikus-entzunezko bat prestatu dute, "dagokien aitortza egiteko eta eskerrak emateko".
"Guk ere pareko erantzuna eman nahi badugu, Euskaraldian izena ematea dugu aukera egokiena", esan dute udal ordezkariek. Bi bide dituzte zizurkildarrek izena emateko: www.euskaraldia.eus helbidean edo herriko udal bulegoetan.