Iñaki Artola alegiarrak Jon Mariezkurrenarekin batera Binakako Pilota Txapelketa jokatuko du martxoaren 30ean, Ezkurdia eta Rezustaren aurka. Astelehenean elkarrizketa egiteko aukera izan genuen Artolarekin.
Bestalde, asteburuan txapela lortu zuten Ibarra Sokatira Taldeko emakumezkoek 500 kilotan. Oihane Sarasola sokatiralariarekin hitz egin dugu horri buruz, eta baita igandean Ibarran izango den txapelketa mistoaren finalari buruz.
Eta arraunarekin eman diogu bukaera. Gipuzkoako Batel Liga dago jokoan, eta aurreko asteburuan Getarian izan zen jardunaldia. Hurrengo estropada Tolosan izango da, igandean. Ligari eta Tolosako jardunaldiari buruz hitz egin dugu TAK Arraun klubeko Kike Mokoroarekin.