Martxoaren 14an hasiko da Irundik eta Euskal Herri osoa zeharkatuta martxoaren 24an iritsiko da Baionara. Tolosaldearen txanda bezperan izango da justu, martxoaren 23an. Egun bakarrean zeharkatuko du eskualdea eta Ikaztegieta, Alegia, Tolosa, Ibarra, Anoeta, Irura, Amasa-Villabona, Zizurkil eta Adunatik pasako da. Ikaztegietatik sartuko da eta Alegiara joango da ondoren. Tolosatik bi aldiz pasako da; Alegiatik barna sartzen denean eta Ibarratik pasa eta gero.
Korrika, herriz herri
- Ikaztegieta: 12:48tik 13:01era
- Alegia: 13:08tik 13:47ra
- Tolosa: 13:53tik 14:06ra, eta 14:26tik 14:39ra
- Ibarra: 14:13tik 14:19ra
- Anoeta: 14:45etik 14:52ra
- Irura: 14:58ean sartuko da
- Amasa-Villabona: 15:05etik 15:24ra
- Zizurkil: 15:31tik 15:37ra
- Aduna: 15:44tik 15:50era
Aplikazioa
Aurten ere Korrikak badu aplikazioa, eta aldaketa batzuk egin dizkiote, gainera. Esaterako, Korrikaren laguntzaileen txartela txertatuta dauka, eta astero laguntzaileen artean egiten dituzten zozketak ere erakutsiko dituzte.
Ibilbideari dagokionez, aukera emango dute Korrikaren martxari zuzenean jarraitzeko. «Furgonetaren geolokalizazioaren bidez, korrikalariek jakingo dute Korrika aurreratuta ala atzeratuta datorren; hots, aplikazioaren erabiltzaileek une oro egiaztatu ahal izango dute nondik dabilen lasterketa».
