Aiztondoko Plazida Otaño liburutegira egin dugu bisita eta Arantxa Zabala eta Irene Urruzola liburuzainek Motxila ibiltaria ekimenaren inguruan aritu zaizkigu hizketan.
Gaur jarriko da martxan euskarazko irakurketa kluba Tolosako udal liburutegian. Orain arte, txandaka, euskaraz eta gaztelaniaz egin dituzte irakurketak klub horretan. Hemendik aurrera, euskarazko irakurketak modu autonomoan egingo dituzte eta komikigintzan jarriko dute arreta, Susana Larre liburutegiko arduradunak azaldu digunez. Hilean behin, euskarazko liburu ilustratu bat komentatuko dute eta Ainara Azpiazu Axpi arituko da saioa dinamizatzen. Irakurketa klubean dituzten asmoen berri eman digu ilustratzaileak, Letren Errepublikan.