Idazle zarauztarrarekin hitz egitearekin batera, Teodoro Hernandorena XIX. Ipuin lehiaketako sari banaketan izan gara. Helduen mailan lehen saria eskuratu duen Xabier Ariznabarreta andoaindarrarekin aritu gara solasean.
Euskal emakume idazleen lanak irakurri eta ikuspegi feministatik liburu horiek aztertzeko taldeak ugaritzen ari dira eskualdean. Tolosako Jabetza Eskolan, Ikaztegietan eta Anoetan martxan jarri dira irakurle taldeak Kattalin Minerrek dinamizatuta. Anoetako kultura teknikari Tere Sotok azaldu digu gaur bertan martxan jarriko den egitasmoa eta Ikaztegietako taldean parte hartzen duen Edurne Ibarbiak herrian aurrera daramaten esperientziaren berri eman digu.