Zu non, han DA! ekimenaren berri jaso dugu aste honetako irratsaioan. Behin aurtengo Durangoko Azoka amaituta, abenduaren 9tik urtarrilaren 8ra bitartean, Euskal Herri osoko 141 liburu dendetan azokako produktuak eskuratzeko aukera dago. Denda horietako batera gerturatu gara, Villabonako Kale Nagusian dagoen Basajaunera, bertako arduradun Aitziber Cenzanorekin hitz egiteko.
Galtzaundik antolatzen duen irakurle taldean, gaur, Antzara eguna liburua aztertuko dute. Santi Brouard zenaren bizitzari errepasoa ematen dio nobela grafiko honek eta Yurre Ugarte saioaren dinamizatzaileak aurreratu digu iluntzeko saioan landuko dutena.
Bide batez, liburu baten gomendioa egin digu Maider Zunzunegi zizurkildarrak gure gaurko irratsaioa borobiltzeko.