Oier Guillanek VHS nobela plazaratu du Susa argitaletxean. Andaluziara egindako bidaia iniziatiko batean ezagutu zuen eta handik gutxira auto istripuz hil zen Victorren heriotza argitu nahian dabilen Ilehoriaren memoria ariketa bat da liburua, lagunen konpainian eta detektibe emozional baten gidaritzapean egiten duen ariketa kolektiboa.
Irurako liburutegian izan gara bisitan eta Alex Lasa liburuzainak erakutsi dizkigu bazterrak. Aurrera begira amodiozko liburuen inguruan herrian sortu nahi duten irakurle taldeaz aritu zaigu, besteak beste.
Garbiñe Ubedak, Lekukoak sailaren azken liburua argitaratu du, Esanezinak. Sasieskola eta Mehatxua lanarekin osatu du trilogia idazte tolosarrak.
Plazida Otaño liburutegian izan gara eta Irene Urruzola liburuzainak kontatu digu hemendik aurrera liburu gomendioekin menuak prestatuko dituztela. Bide batez, gaztelaniaz eta euskaraz egingo diren irakurle taldearen hitzorduak gogoratu ditu.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!