Horrekin batera, eskualdean barrena ibili gara. Aiztondoko Plazida Otañoko liburuzain Arantxa Zabalak pandemia garaietara liburutegiko zerbitzuak nola egokitu dituzten kontatu digu eta aurrera begira zein asmo dituzten azaldu.
Lizartzako irakurle taldeak iaz abiatu zuen bere ibilbidea eta aurten izango du bigarren ikasturtea. Taldean parte hartzen duten Izaro Zubiria eta Itziar Saenz de Ojerrek azaldu digute nola antolatu duten urtea eta zein irakurketa egingo dituzten ekainera bitartean.
Horrekin batekin, Anoetako liburuzain Edurne Martinezen eta Zizurkilgo irakurzale Maider Barandiaranen proposamenak jaso ditugu. Ene baitan bizi da Maddi Ane Txoperenaren liburua gomendatu digu lehenak, eta Xabier Etxaniz Rojoren Denok gara Google bigarrenak.