M8 Emakumeen Nazioarteko Eguna 2018

Borrokarako giharra erakutsi dute emakumeek Tolosaldean

Eguerdian eta arratsaldean elkarretaratzeak egin dituzte herriz herri, gaurko greba feministaren deialdia osatzera etorri dira mobilizazioak.

Hezkuntzan, administrazio publikoan, osasungintzan eta beste hainbat sektoretan egin dituzten lanuzteen testuinguruan elkarretaratzeak egin dira eguerdian Abaltzisketan, Asteasun, Berrobin, Albizturren, Ibarran eta Iruran, esate baterako.

Mobilizazio jendetsuak egin dira goizean Amasa-Villabona eta Tolosan, eta aldarrikapenekin jarraitzeko elkarretaratzeak egin dira 19:00etan, Malkar plazan eta Zerkausian, hurrenez hurren. Azken hau jendez bete da, eta afari-merienda egin dute Tolosako hainbat elkartek prestatutako janariarekin.

Anoetan kazerolada egin dute ordu berean, eta Alegian, Amezketan eta Bidania-Goiatzen ere elkarretaratzeak egin dituzte. Amezketan, elkarretaratzearen ondoren kantu jira abiatu dute eta lehenengo abestia plazan bertan kantatu dute. Berastegin manifestazioa egin dute batukadarekin.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!