Gutxitan gertatzen dira horrelakoak. Gizonezkoen eta emakumezkoen lehen talde guztiek irabazi dute asteburuan. Beren helburuak lortzeko aurrerapauso handiak eginda, gainera.
Izan da, ordea, lehiaz aparteko beste konturik asteburuan. Belabietan gertatu zen, ostiralean, Lauburuko nesken eta Trintxerperen arteko partidan. Aurkariek bost jokalarirekin baino ez zuten bidaiatu, eta aurkarietako batek min hartu zuen. 8 minutu geratzen ziren amaierarako, eta 3-1ekoa zen emaitza. Trintxerpek lau jokalarirekin jokatu behar izan zuen ordutik aurrera, eta lehia parekatzeko ibartarrek jokalari bat kantxatik kentzea erabaki zuten.
"Joko garbi irakaspena, ezbairik gabe. Irabazi, galdu edota berdinketatik haratago, umiltasun eta balore handiak erakutsi dituzte. Oso harro gaude erakutsi zuren jarrerarekin", azaldu dute klubeko arduradunek.
Jarraian talde guztien kronikak: