Euskal Herri mailan haur eskoletan %90ak egin du bat grebarekin, hezitzaileen artean %85ak, sukaldari eta garbitzaileen artean %80ak eta irakasleen %75ak. 12:00etan kalera aterako dira eta manifestazioak egingo dituzte Donostian, Bilbon eta Gasteizen.
ELA, LAB eta Steilas sindikatuek gaurko greba orokorrarekin ematen dute bukatutzat ikasturtearekin hasitako borrokaldia. Eusko Jaurlaritzak osatutako negoziazio mahaian ematen diren aurrera pausoen zain geratuko dira orain, eta euren eskakizunei kasurik egin ezean, beste neurri batzuk hartu beharko dituztela esan dute.
Gaurkoa jarraipen zabala izan du hortaz, eta esan behar da CCOO eta UGT sindikatuek ere bat egin dutela greba orokorrarekin.
