Ataria Irratia zuzenean ariko da, larunbatean Tolosako pilotalekutik final-laurdeneko saioaren kontakizuna zuzenean egiteko. Arratsaldeko 16:45etik aurrera entzun ahal izango da (H)ari naizela saio berezia, fm-aren 107,6an edo bestela www.ataria.eus helbidean.
Imanol Artola Felix-ek gidatuko du irratsaioa eta ondoan izango du Mikel Beloki berastegiarra, txapelketetan epaile gisa aritutakoa. Zuzenean emango dute azken final-laurdenaren berri.
Bestalde, aste honetako (H)ari naizela irratsaioan Oihana Iguaran izan dute gonbidatu. Leitzan jokatu zuen final-laurdenari begiratu diote eta amasarrak esandakoak eta bertsoaldi onenak berriz izango dira entzungai, etzi, larunbata 14:00etatik 15:00etara Ataria Irratiaren sintonian.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!