Gipuzkoako txapelduna da bata, Espainiakoa bestea, eta hirugarrena, nazio arteko mailarik gorenean estreinatu berria. Txirrindularitzaren zuhaitzak fruituak ematen jarraitzen du Tolosaldean, etengabe. Jon Madariagak, Ane Iriartek eta Eukene Larrartek sustraiak eskualdean dituzte, eta euren lorpenak neurtzeko harrobira begiratzen dute. Etorkizunaz hitz egiten dutenean, bi bilakaera kontrajarri agertzen dira: sendotzea eta ihartzea. Naturaren legea. Altzotarrak txirrindularitza uzteko burutazioak dituen bitartean, tolosarrak eta billabonatarrak ikasten eta gozatzen jarraitu nahi dute, pasatako egun txar guztiak atzean utziko dituen erremedioaren bila.