GAEL A taldeak Munduko txapelketa irabazi du, Errusiako eta Ukrainiako haurrez osatutako MVA taldeari finalean 8-2 gailendu ostean. Lehen minuturako dagoeneko 3-0 irabazten ari ziren, eta erraz irabazi dute neurketa. Aimar Zeberiok lau gol egin ditu finalean; eta Oier Ugartemendiak eta Jokin Agirretxek bina.
Leundaren esanetan, ez zuten pentsatzen horrelako emaitzak lortzea, "baina herri txikietan maila handia dagoela ziurtatu" dute. Bigarren, taldea, gainera, hirugarren izan da. Areto futbolean ere hirugarren amaitu du taldeak, irabazle izan den Engels talde errusiarrarekin galdu ostean. Bigarren postuan CUF kataluniarra sailkatu da.
Hauek dira taldea osatu duten haurrak: Iraitz Bea, Aimar Zeberio, Ainhitze Zubeldia, Txomin Errasti, Aimar Iturrioz eta Ekaitz Hurtado (Lizartza-Orexa); Jurgi Leunda (Ikaztegieta); Oier Ugartemendia eta Oihan Arrospide (Leaburu); Jokin Agirretxe (Bidania-Goiatz) eta Aitor Sevillano (Gasteiz).