Xabier Bengoetxea irakaslea arnasguneen inguruan

Xabier Bengoetxeak ikerketa egin du euskararen erabileraren inguruan. Tolosaldeko lau herri-arnasgune aztertu ditu, Asteasu, Amezketa, Alegia eta Berastegi. Eta datu demografikoak, soziolinguistikoak eta bestelakoak ikertuta ondorioztatu du lau herriak arnasgune gisa indartsu daudela, ez dagoela alarma sortzeko arrazoirik. Alabaina, arnasguneetan errepikatu ohi diren joerak ageri dira lau herriotan ere: euskaldun kopuruak, gutxi bada ere, behera egin du; jatorrizko hizkuntza euskara dutenen kopuruak behera egin du; eta etxean euskara hutsez aritzen direnen kopuruak behera egin du.