Pasa den astean hasi zituzten bilerak, eta Lizartza, Bidania-Goiatz eta Anoeta izan ziren lehen herriak. Bilera horietan aipatu herrietako bizilagunez gain Orexa, Albiztur, Hernialde eta Irurako herritarrekin bildu ziren. Eta bertan ekarpen asko bildu zituzten.
Lizartza eta Orexako tailerrean 10 pertsona elkartu ziren, eta hasieran 51 proposamen egin bazituzten ere, azkenean 11 adostu zituzten.
Bidania-Goiatz eta Albizturgo tailerrean 9 pertsona izan ziren, eta hasieran 28 proposamen atera baziren ere, 6 garatu zituzten.
Anoeta, Hernialde eta Irurako bileran 5 lagunek hartu zuten parte, 10 ideia atera ziren eta 9 adostu.
Datozen bileretan ere orain artekoetan bezala, ekarpen asko bildu nahi dituzte, eta horregatik herritarrei gerturatzeko eta proposamenak egiteko deia egin diete.
Lizartza-Orexako proposamenak:
- Ingurumena:
- Energia iturri berriztagarriak sortzeko azpiegiturak martxan jartzea
- Mendien baliabideak mantendu eta egokitzea. Garbiketak, landaketak, bideak,…
- Baso eta mendien zaintza eta ezagutza. Egoera zaintzea eta markatzea.
- Mugikortasuna:
- Tolosa-Lizartza-Orexa bidegorria
- Errepide sare orokorrean herri txikien seinalizazioa
- Gizarte politika:
- Eguneko zentroa Lizartza-Orexa-Leaburu-Gaztelu
- Euskararen diagnosia Lizartzan
- Oroimen historikoaren sustapena
- Oroimen historikoa: Historia ezagutu, aztertu eta zabaldu. Digitalizazioa
- Kultura:
- Kultur instalazioak erabilera anitzerako egokitzapena
- Kultur instalazioak erabilera anitzerako egokitzapena
Bidania-Goiatz eta Albizturgo proposamenak:
- Mugikortasuna:
- Tolosa eta Bidania-Goiatz arteko errepidea konpondu
- Tolosa eta Bidania-Goiatz arteko errepidea konpondu
- Ingurumena:
- Albiztur eta Bidania-Goitz lotzen dituzten herri bideak eta mendi sail publikoak garbitu
- Jarduera ekonomikoak:
- Bidania-Goiatz eta Albizturgo turismo arloa landu
- Bidania-Goiatz eta Albizturgo turismo arloa landu
- Gizarte politika:
- Adineko pertsonentzako zerbitzuak hobetu
Anoeta-Hernialde-Irurako proposamenak:
- Mugikortasuna:
- Hernialdeko bidegurutzean semaforoa jartzea, zebra bidearekin
- Tolosatik Anoetara bidegorria egitea, ondo argiztatuta
- Herrien arteko argiztapena hobetzea
- Larramendi auzotik Belate auzora zubia egitea
- Ingurumena:
- Ibaiak eta errekak garbitu eta dragatzea
- Jarduera ekonomikoak:
- Nekazaritza sustatzea. Gazteak nekazaritzara bideratzeko baliabideak jartzea (erabilerarik gabeko lurrak...)
- Nekazaritza sustatzea. Gazteak nekazaritzara bideratzeko baliabideak jartzea (erabilerarik gabeko lurrak...)
- Gizarte politika:
- Euskara sustatzeko ekintzak martxan jarri (Ataria proiektua sustatu, euskararen erabilera sustatzeko plana martxan jarri, ez dakitenak euskara ikasteko baliabideak jarri)
- Parekidetasunaren prebentzioa LH2-LH6 tartean landu (eskualdeko ikastetxeetan)
- Arrisku sozialetarako prebentzioa LH2-LH6 tartean landu (eskualdeko ikastetxeetan)
Ekaina bitarte proposamenak bilduko dituzte, eta ondoren, iraila arte, lehenetsitako proposamenak Foru Aldundiko teknikarien eskutan jarriko dituzte hauen azterketa ekonomiko eta juridikoa egiteko, egitasmoak bideragarriak diren ala ez argitzeko eta bakoitzak zenbat kostatuko duen zehazteko.
