Eduki hau partekatzeko esteka arbelera kopiatu da.
Gaur egin du ibilbidearen erdia 24. Korrikak, eta egun berean sartu da lehen aldiz Tolosaldean; tartean, Tolosatik igaro da. Milaka herritarrek egin dute bat euskararen aldeko ekimenarekin, eta Korrika iritsi aurretik, motorrak berotu dituzte herriko zenbait txokotan. Txaranga bidelagun izan dute Korrika heldu aurretik, nahiz Korrikak bere ibilbidea egin duen bitartean.
Amarotz auzotik sartu da Korrika Tolosan; hain justu, bertan hartu du ATARIAren lekukoa Olazabal-Egino familiak. Ondoren, herriko zenbait auzo eta kale igaro ditu; besteak beste, Alde Zaharrean sartu da. Ondoren, Anoetarako bidea hartu du.
Milaka herritarrek egin dute bat euskararen aldeko ekimenarekin, eta Korrika herrira iritsi aurretik, motorrak berotzen aritu dira herriko zenbait txokotan. Zerkausian, San Frantzisko pasealekuan eta Berazubi eta Amarotz auzoetan, esaterako, jan-edana banatu dute, eta musikarekin girotu dute afal ordua.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!