Juan Mari Urruzola kulturgile eta euskaltzale nekaezina bart hil da. Txistulari ezaguna zen eta Udaberri dantza taldeko kidea. Tolosako dantza taldearen 60. urteurrenaren harira Aulkien Kulunkan egitasmoan parte hartu zuen.Udaberrik omenaldia egin zion Urruzolari 2023ko ekainean; ekitaldiarekin aitortza egin eta eskerrak eman nahi izan zizkion dantza taldeak.
Erretiroa hartu zuen arte AEKn aritu zen lanean. 2022an 22. Korrika eskualdetik pasa zenean omenaldia egin zioten lankide ohiek Tolosa eta Ibarra arteko bidegurutzean.
Ordurako ezindua zegoen, pare bat urte lehenago gaitz batek erasan ondoren. Bart hil da Urruzola.
