Hamarkada bete du Atariak, eta lepo bete zen bart arratsaldean Tolosako Zerkausia ere. Eskualdeko herrietako jende asko gerturatu zen festa girora, eta bertako ekoizleen produktuak dastatzeko aukera ere izan zuten. Abeslariak, bertsolariak, musikariak, umoristak... Denetariko artistak pasa ziren oholtza gainetik herritarren gozamenerako. Izan zen hausnarketarako unerik ere, ekitaldi nagusian eskerrak eman baitzizkieten komunitatea osatzen duten kide guztiei: Atarikideei, Ataria irakurtzen dutenei, Ataria irratia entzuten dutenei, irakurtzen hasiko direnei, elkarte eta erakundeetako kideei, norbanakoei... Era berean, nabarmendu zuten Atariak aurrera jarraitzeko ezinbesteko duela komunitatearen babesa eta bakoitzak, ahal duen neurrian, bere alea jartzeko dei egin zuten.